Құрметті жанкүйерлер, «Ордабасы» клубы логотипке ребрендинг жасап, біршама өзгерістер енгізгені баршаңызға белгілі.
Осы орайда, аталған өзгеріске қысқаша түсініктеме бере кетейік.
Жаңа логотипке сәйкес, таңбаның қақ ортасында Шымкенттің символына айналған қызыл түсті қызғалдақ бейнеленген. Оның астыңғы бөлігінде қара түспен Shymkent деген жазу мен қаланың құрылған жылы көрсетілген. Бұл бірден Шымкенттің командасы екенін тануға мүмкіндік береді. Ал бұған дейін команда облысқа тиесілі болған соң, логотиптің қақ ортасында Ордабасы ауданындағы үш биге арнап салынған «Бірлік» монументі бейнеленген еді. Ал ол Түркістан облысына тиесілі екені белгілі.
Бұдан бөлек, логотип қапталында тұрған Барыс бенесінің орнына ала доп алмастырылды.
Айта кету керек, логотипті жасауға әкімдіктен немесе клуб бюджетінен ешқандай қаржы жұмсалмады.
Сонымен қатар, аталған лого бірнеше дизайнерлер мамандардың пікірлерімен ақылдаса отырып жасалды.
